Արմավիրի մարզի Զարթոնք համայնքում բողոքի ակցիայի ժամանակ կրակոցների հետևանքով վիրավորներ կան:
Armday.am-ի հետ զրույցում Ոստիկանությունց հայտնեցին,որ միջադեպի մասնակիցները բերման են ենթարկվել:
«Ապրիլի 13-ի վաղ առավոտյան ոստիկանության Մեծամորի բաժնում ահազանգ է ստացվել, որ Զարթոնք գյուղում մի խումբ անձանց մասնակցությամբ միջադեպ է։ Այդ ընթացքում մասնակիցներից մեկը որսորդական հրացան է գործադրել»,-հայտնեցին Ոստիկանության լրատվկան բաժնից:
Ահազանգին արագ արձագանքած ոստիկանության Մեծամորի բաժնի ծառայողները կանխել են միջադեպի հնարավոր անդառնալի հետևանքները։
Բացի այդ, ոստիկանները վնասազերծել են հրացան գործադրած անձին, նրան և միջադեպի մի քանի մասնակիցների բերման են ենթարկել բաժին։ Միջադեպի մասնակից հինգ անձ դիմել է բուժօգնության։ Նրանցից երկուսի վնասվածքը, նախնական վարկածով' առաջացել է որսորդական փամփուշտի կոտորակից։
Տեղում ոստիկանության մի շարք ստորաբաժանումների ծառայողներ վերահսկում են օպերատիվ իրավիճակը։
Ցուցարարները հայտնում են, որ կրակողներից մեկը գյուղապետի թոռն է եղել:
Ավելի վաղ հայտնել էինք,որ Զարթոնք համայնքում կրակոցներ են հնչել, բնակիչները փակել են գյուղի ճանապարհը:
