Այսօր՝ ապրիլի 12-ին, լարված իրավիճակ է ստեղծվել Կոտայքի մարզում։ Արծվաշեն գյուղի նախկին բնակիչներն բարձրաձայնում ու պահանջում են, որպեսզի Կառավարությունը վերջապես 30 տարվա մեջ առաջին անգամ ուշադրություն դարձնի իրենց պահանջներին ու խնդրանքներին: 700-ից ավելի Արծվաշենցիները փակել են Չայնիի ճանապարհը:
ArmDay.am-ի հետ զրույցում Արծվաշենի համայնքապետը ասաց, որ իրենց պահանջն է վերականգնել վթարային բնակարանները:
«Բնակարանները 4-րդ կարգի վթարային են, խնդրում ենք գումար հատկացնել, որպեսզի վերականգնվի:Բնակարանների խնդիր ունեն մոտ 400 ընտանիք»,-ասաց Խեչոյանը:
Նրա խոսքով՝ Արծվաշենի ժողովրդի պահանջը միշտ եղել է ունեցվածքի կորստի փոխհատուցումը:
«Հոկտեմբերին վարչապետը խոստացել էր հանդիպել, սակայն մինչև օրս հանդիպումը չի կայացել և ժողովրդի հարցերն ու խնդիրները մնացել են օդում:Մենք էլ այլևս չսպասեցինք, որոշեցինք բողոքի ակցիա իրականացնել, սակայն Գեղարքունիքի մարզպետը հանդիպեց մեզ հետ և կազմակերպեց հանդիպում Տարածքային կառավարման նախարար Սուրեն Պապիկյանի հետ»,-ասաց նա:
Մ. Խեչոյանը նշեց, որ այս պահին Գեղարունիքի մարզպետը, Արծվաշենի ղեկավարը, Ճամբարակի և Շորժայի ներկայացուցիչները հանդիպման են մտնում Տարածքային կառավարման նախարար Սուրեն Պապիյանի մոտ:
Համայնքապետերը ժողովրդին հորդորել են դադարեցնել ակցիան և մի շաբաթ ժամանակ տալ, Կառավարությանը, որից հետո կորոշեն՝ ինչպես վարվել:
