Մխիթար Հերացու անվան պետական բժշկական համալսարանի ռեկտոր Արմեն Մուրադյանը չի պատրաստվում հրաժեշտ տալ պաշտոնին: Անդրադառնալով համալսարանում լարված իրավիճակի և ռեկտորի հնարավոր պաշտոնանկության լուրերին՝ ArmDay.am-ի հետ զրույցում ասաց Բժշկական համալսարանի աշխատակազմի ղեկավար Շուշանիկ Դանիելյանը:
«Տարածված լուրերը չեն համապատասխանում իրականությանը: Արսեն Թորոսյանի և Արմեն Մուրադյանի միջև հարաբերությունները լարված չեն»,-ասաց նա:
Շ. Դանիելյանը հերքեց նաև, որ լարվածություն կա համալսարանում ուսանողների, դասախոսական կազմի և ռեկտորի միջև:
ArmDay.am-ի տեղեկություններով՝ Ա. Մուրադյանը պատրաստվում է վաղը Փաշինյանի հետ հանդիպել, ինչը, հավանաբար, պայմանավորված է վերջին շրջանում ստեղծված սկանդալային իրավիճակներով:
«Վարչապետի պաշտոնակատարն այցելելու է զինվորական վերականգնողական կենտրոն, ինչը կլինի արդեն 3-րդ անգամ և դա առչնություն չունի վերջին զարգացումների հետ»,-ասաց Շ. Դանիելյանը:
Նշենք, նաև , որ նոյեմբերի 12-ին ՀՀ վարչապետի պաշտոնակատար Նիկոլ Փաշինյանի որոշմամբ հաստատվել է Երևանի պետական բժշկական համալսարանի հոգաբարձուների խորհրդի կազմը։
Թե ինչ փոփոխություններ են եղել կազմում, Դանիելյանը չպատասխանեց: