Կիբերանվտանգության F.A.C.C.T. (նախկին Group-IB) մասնագետները VirusTotal հարթակում հայտնաբերել են վնասաբեր ֆայլ, որի հարձակման ենթադրյալ թիրախը Հայաստանում 102-րդ ռուսական ռազմաբազան է։
Ըստ ընկերության մամուլի ծառայության՝ վնասաբեր ֆայլը վերբեռնվել է VirusTotal հարթակում՝ Գյումրիից, որտեղ տեղակայված է բազան։
Հաղորդվում է, որ ռազմաբազայի վրա կիբերլրտեսների հարձակումը, ամենայն հավանականությամբ, սկսվել է դեռ 2024 թվականի ապրիլի 15-ից առաջ։
F. A. C. C. T.-ում վստահ են, որ վնասակար ֆայլը կապված է Core Werewolf (PseudoGamaredon) կիբեռլրտեսային խմբի հետ, որը 2021 թվականից հարձակվում է Ռուսաստանի պաշտպանական-արդյունաբերական համալիրի և կրիտիկական տեղեկատվական ենթակառուցվածքի օբյեկտների վրա։ 2024-ի մարտին, մասնավորապես, Core Werewolf-ը հարձակվեց սպառազինության մշակմամբ զբաղվող ռուսական գիտահետազոտական ինստիտուտի վրա, իսկ ապրիլի սկզբին՝ ռուսական պաշտպանական գործարանի վրա։
