Այսօր՝ ապրիլի 30-ին, արտակարգ դեպք է տեղի ունեցել Արարատի մարզում: Ժամը 01:50-ի սահմաններում Երևանի բնակիչ 25-ամյա Հովհաննես Բ.-ն իր վարած «Opel Astra» մակնիշի ավտոմեքենայով Երասխ-Երևան ավտոճանապարհի՝ Արտաշատի վարչական տարածքում՝ դեպի Երևան ընթանալիս, բախվել է ճանապարհի երթևեկելի հատվածում գտնվող ձիուն:
Ինչպես դեպքի վայրից հայտնում է ֆոտոլրագրող Գագիկ Շամշյանը, այնուհետև մոտ 1 կմ «Opel»-ը առաջ է ընթացել և կանգնել:
Բախման հետևանքով վարորդն ու նրա ուղևորներ Երևանի բնակիչներ 50-ամյա Արուսյակ Ա.-ն և 25-ամյա Գոռ Ս.-ն մարմնական վնասվածքներով տեղափոխվել են «Արտաշատ» բժշկական կենտրոն:
Առավել մանրամասն՝ սկզբնաղբյուր կայքում։
