SHAMSHYAN.com-ի տեղեկություններով՝ հունիսի 23-ին ոստիկանության Սյունիքի մարզային վարչության, ոստիկանության Կապանի բաժնի, ճանապարհային ոստիկանության 2-րդ սպայական գումարտակի 6-րդ վաշտի 2-րդ դասակի ծառայողները, համագործակցելով բնապահպանության նախարարության «Զանգեզուր կոնսոլարտ համալիր» պետական ոչ առևտրային կազմակերպության աշխատակիցների հետ համատեղ ձեռնարկված միջոցառման արդյունքում ժամը 17:00-ի սահմաններում Ճակատեն բնակավայրից ապօրինի որս կատարելու կասածանքով Կապանի ոստիկանություն են բերման ենթարկել Կապանի բնակիչ, 39-ամյա Էդգար Պետրոսյանին:
Ինչպես հայտնում է ֆոտոլրագրող Գագիկ Շամշյանը, վերջինս եղել է ВАЗ 2121 մակնիշի 19 ՍS 101 համարանիշի ավտոմեքենայով, որի բեռնախցիկում էլ հայտնաբերվել է սպանված կաքավ տեսակի թռչուն: Գ. Շամշյանի տեղեկություններով՝ Է. Պետրոսյանը խոստովանել է, որ կաքավը որսացել է նույն օրը առավոտյան ժամը 06:00-ի սահմաններում Ճակատեն բնակավայրի հարակից տարածքում իրեն պատկանող որսորդական հրացանով: Է. Պետրոսյանը հետաքննիչի մոտ կատարվածի մասին բացատրություն տալուց հետո բաց է թողնվել:
