Տեսուչը համազգեստ կկրի ու կկանգնեցնի մեքենա. նոր լիազորություն․ «Ժողովուրդ»


Տեսուչը համազգեստ կկրի ու կկանգնեցնի մեքենա. նոր լիազորություն․ «Ժողովուրդ»
Հոկտեմբեր 19 09:50 2021

«Ժողովուրդ» օրաթերթը գրում է․ «Հաջորդ տարվա հունվարի 1-ից Քաղաքաշինության, տեխնիկական եւ հրդեհային անվտանգության տեսչական մարմնի տեսուչը պետք է համազգեստ կրի, ծառայողական ռազմամթերք եւ ձեռնաշղթաներ ունենա: Նա նաեւ իրավունք կունենա ավտոմեքենա կանգնեցնել:

«Ժողովուրդ» օրաթերթը տեղեկացավ, որ տեսչական մարմինը հնարավորություն կունենա վերահսկել ընդհանուր օգտագործման պետական ավտոմոբիլային ճանապարհներին գովազդի տեղադրմանը վերաբերող պահանջների պահպանումը: Ավելին՝ այդ ստուգումներն իրականացվելու են առանց տնտեսավարող սուբյեկտին նախնական ծանուցման: Ասել է թե՝ տեսչական մարմինը կօժտվի համապատասխան գործիքակազմով, որով պատշաճ վերահսկողություն կիրականցվի նաեւ այն կարգավորումների նկատմամբ, որոնք ներկայիս գործիքակազմով հնարավոր չէ ստուգել: Բացի այս, մեզ հայտնի դարձավ, որ ուժը կորցրած կճանաչվի «Հայաստանի Հանրապետության տրանսպորտի մասին» օրենքը:Հուսանք՝ տեսչական մարմնի տեսուչները կստուգեն նաեւ տաքսիների ոլորտը, որովհետեւ այստեղ տարիներ շարունակ «բեդպրիդել» է: Տպավորություն է՝ մի կողմից ստուգողներն ու տեսուչները շատանում են, մյուս կողմից՝ անօրինականությունը խորանում է»:

Մանրամասները՝ «Ժողովուրդ» օրաթերթի այսօրվա համարում։



loading...