Ոստիկանության Սյունիքի մարզային վարչության, Սիսիանի եւ Գորիսի բաժինների ծառայողները, ինչպես նաեւ Սյունիքի մարզը սպասարկող ճանապարհային ոստիկանները օգոստոսի 12-ի երեկոյան, ուժեղացված ծառայություն են իրականացրել Սիսիանի բաժնի սպասարկման տարածքում։
Պահպանվող հատուկ տարածք է տեղափոխվել 11 ավտոմեքենա, որոնցից մեկի բեռնախցիկում «Սայգա» տեսակի հրազեն է հայտնաբերվել՝ լիցքավորված 7,62 մմ տրամաչափի 42 մարտական փամփուշտով։
Հայտնաբերվել են նաեւ հրացան, մահակներ, մեքենան ոչ սթափ վիճակում վարող՝ 3, առանց վարորդական իրավունքի վկայականի՝ 3 վարորդ։ Ընդհանուր առմամբ կազմվել է վարչական իրավախախտման 41 արձանագրություն։ Նմանօրինակ ուժեղացված ծառայությունները պարբերական են։