Երեք ՔԿՀ-ում աշխատում են դատապարտյալների հետ, որպեսզի նրանք քվեարկեն հօգուտ իշխանությունների․ Մելիքյան


Երեք ՔԿՀ-ում աշխատում են դատապարտյալների հետ, որպեսզի նրանք քվեարկեն հօգուտ իշխանությունների․ Մելիքյան
Հունիս 18 16:21 2021

Ահազանգեր են ստացվել, որ «Վարդաշեն», «Նուբարաշեն» եւ «Արմավիր» քրեակատարողական հիմնարկներում հաստատությունների պետի տեղակալներն աշխատում են դատապարտյալների հետ, որպեսզի նրանք արտահերթ ընտրություններում քվեարկեն իշխանությունների օգտին: Այս մասին հունիսի 18-ին լրագրողների հետ հանդիպման ժամանակ ասաց Ընտրությունների վերահսկման հանձնաժողովի անդամ, իրավապաշտպան Ռուբեն Մելիքյանը:
Նրա խոսքով ՝ Վարդաշենում այդ աշխատանքը ղեկավարում է Կարեն Գեւորգյանը, Նուբարաշենում` Գարիկ Ծատուրյանը, Արմավիրում` Եգոր Հակոբյանը:

«Դատապարտյալներին կարող են շատ բան խոստանալ, այդ թվում` պայմանական վաղաժամկետ ազատում, հարազատների հետ լրացուցիչ հանդիպումներ եւ շատ ավելին»,- ասաց նա:

Մելիքյանը կոչ արեց գլխավոր դատախազին արձագանքել այս տեղեկատվությանը եւ ստուգել այն: Նա նշեց, որ տեղեկություններ կան, որ այդ աշխատանքը համակարգում է Հայաստանի փոխվարչապետի պաշտոնակատար Տիգրան Ավինյանի բարեկամ, Հայաստանի քրեակատարողական ծառայության պետի տեղակալ Բաբկեն Ծաղիկյանը:



loading...