Բանակը չէր պարտվի, եթե բանակին չհարվածեին թիկունքից․ գլխավոր դատախազից պահանջելու ենք ձերբակալել Փաշինյանին. Ա.Զաքարյան


Բանակը չէր պարտվի, եթե բանակին չհարվածեին թիկունքից․ գլխավոր դատախազից պահանջելու ենք ձերբակալել Փաշինյանին. Ա.Զաքարյան
Հունվար 28 16:53 2021

Մեր բանակը պարտվեց, բայց մենք գիտենք, որ բանակը չէր պարտվի, եթե բանակին չհարվածեին թիկունքից: Այս մասին Հանրապետության հրպարակում ըւնթացող հանրհավաքի ժամանակ նշեց «Հայոց ազգային գվարդիա» ՀԿ ղեկավար Արշակ Զաքարյանը:

Նրա խոսքով, իրենք պահանջում են կառավարության, վարչապետի հրաժարականը, որից հետո կձեւավորվի ժամանակավոր կառավարություն, իսկ որոշ ժամանակ անց կլինեն արտահերթ ընտրություններ:

Արշակ Զաքարյանը հիշեցրեց, որ դեռեւս Նիկոլ Փաշինյանի համաձայնությամբ փոխվել է բանակի սպառազինության գնման պլանը, գնվել են «Սու-30» ինքնաթիռներ առանց ռազմամթերքի, որոնք պատերազմի ժամանակ չեն օգտագործվել: «իրականությունը 44 օր թաքցնելը, խոչնդոտելը մոբիլիզացիային եւ նպաստելը թշնամու հաջողություններին որակվում են որպես պետական դավաճանություն եւ ՀՀ քրեական օրենսգրքի 299 հոդվածի 1-ին մասով պատժվում են ազատազրկմամբ 10-15 տարի ժամկետով»,-ասաց նա:

Զաքարյանը նշեց նաեւ, որ GPS-ով կամ վարչկան քարտեզների միջոցով ՀՀ սահմանների դելիմիտացիա եւ դեմարկացիա անելը եւ ՀՀ տարածքները, բնակավայրերը թշնամուն զիջելը ապօրինի գործողություն եւ ՀՀ Քրեական օրենսգրքի 300.1 հոդվածի համաձայն որակվում է որպես ՀՀ տարածքը այլ պետությանը հանձնելունուղղված գործողություն, որը պատժվում է ազատազրկմամբ 10-15 տարի ժամկետով:

Արշակ Զաքարյանն ընթերցեց նաեւ այլ հանցանքներ, որոնք իշխանությունները կատարել են եւ պետք է կանգնեն հայոց դատի առաջ: Նա հիշեցրեց, որ Սահմանադրությամբ իշխանությունը պատկանում է ժողովրդին, եւ եթե իշխանությունը երկրին ակնհայտ տանում է կործանման, կամ ժողովրդի համար ակնհայտ է, որ տեղի է ունեցել պետական հանցագործություն, ապա ժողովրդի իրավունքն է ապստամբել այդ իշխանությունների դեմ:

Նա ասաց, որ իրենք չեն հրաժարվում այն հայտարարությունից, պետք է գործողություններ արվեն, բայց չեն եկել այստեղ, որ մարդկանց տանեն արկածախնդրության:

«Ես շատ եմ ցավում, որ այսքան մարդիկ են միայն, որ տեսնում են այն վտանգը, որ կանգնած է մեր երկրի առաջ: Հայաստանն առանց հայերի ծրագիրն իրականացնում է այս իշխանությունը փուլ առ փուլ, քայլ առ քայլ, ամեն օր: Ես առաջարկել եմ, որ բոլորս միասին գնանք եւ շրջափակենք Գլխավոր դատախազության շենքը եւ պահանջել գլխավոր դատախազից ձերբակալել երկրի գլխավոր մեղավոր Նիկոլ Փաշինյանին»,-ասաց նա եւ կոչ արեց Նիկոլ Փաշինյանին տղամարդկություն ունենալ եւ գալ այս մարդկանց հանդիպել:

Նրա ելույթից հետո հանրչահավաքի մասնակիցները երթով շարժվեցի դեպի դատախազության շենք, որը գտնվում է մոի քանի հարյուր մետր հեռավորության վրա:



loading...