ԱՄՆ 45-րդ նախագահ Դոնալդ Թրամփը Վաշինգտոնից հեռանալիս խոստացել է վերադառնալ: «Մենք կվերադառնանք՝ ինչ-որ ձևով»,- Թրամփին մեջբերում է Daily Mail-ը՝ ներկայացնելով Սպիտակ տնից ԱՄՆ առաջին ընտանիքի հեռանալու կադրերը:
Ինչպես աղբյուրը փոխանցում է, չորեքշաբթի Թրամփը վերջին թռիչքն է կատարում ամերիկյան օդուժի առաջին ինքնաթիռով՝ ուղևորվելով Մար ա Լագո կալվածք:
«Թող լավ կյանք ունենաք»,- ասել է Թրամփը «Էնդրյուս» ավիաբազայում հավաքված մի քանի հարյուր աջակիցներին: Թրամփի ելույթին նախորդել է 21 համազարկով ողջույնը:
Թրամփը հեռանալուց առաջ հաջողություն է մաղթել ԱՄՆ հաջորդ վարչակազմին: Պարբերականի փոխանցմամբ՝ Իվանկա Թրամփն արտասվել է հոր ելույթի ժամանակ, մինչդեռ նրա աջակիցները շնորհակալական խոսքեր են վանկակել:
Հիշեցնենք, որ Թրամփը որոշել էր Սպիտակ տունքը լքել նախքան նորընտիր նախագահ Ջո Բայդենի երդմնակալությունը:
