Այսօր Հրանտ Դինքի հիշատակի օրն է. սպանությունից 14 տարի անց

Այսօր պոլսահայ լրագրող, «Ակոս» թերթի հիմնադիր և գլխավոր խմբագիր Հրանտ Դինքի հիշատակի օրն է։ Սպանությունից անցել է 14 տարի։
Աղավնիներ են պատկերվել «Ակօս» շաբաթաթերթի նախկին շենքի վրա, որտեղ սպանվել է Հրանտ Դինքը։ Նախագիծը կտևի մինչև հունվարի 19-ի երեկոյան ժամը 6-ը:
Ստամբուլում ամեն տարի հիշատակի արարողություն է անցկացվում Sebat-ի շենքի դիմաց, որտեղ նախկինում տեղակայված է եղել «Ակօս» թերթը, համավարակի հետ կապված այս տարի այն կհեռարձակվի առցանց:
Ողջ օրվա ընթացքում հեռարձակվելու է Հրանտ Դինքի մասին պատմող հաղորդում։
2007թ-ի հունվարի 19-ին Դինքը սպանվեց Օգուն Սամասթի կողմից Ստամբուլի Շիշլի շրջանի փողոցներից մեկում։
Սպանությունից հետո քաղաքից փախչելով՝ Սամասթը հաջորդ օրը ձերբակալվեց սևծովյան Սամսուն նահանգում։