Կորոնավիրուսը կգոյատեւի «հավերժ», կարծում է Covid-19-ի դեմ պատվաստանյութ ստեղծած Moderna ընկերության գլխավոր տնօրեն Ստեֆան Բանսելը, հայտնում է CNBC-ը:
Հանրային առողջապահության ոլորտի պատասխանատուները եւ վարակիչ հիվանդությունների հարցերով փորձագետները հայտարարել են, թե մեծ հավանականություն կա, որ Covid-19-ը կդառնա էնդեմիկ հիվանդություն, ինչը նշանակում է, որ այն միշտ գոյություն կունենա, թեեւ, հավանաբար, ավելի ցածր մակարդակներում, քան հիմա է:
Ստեֆան Բանսելը, կարծես, համաձայն է այս հայտարարության հետ, նշելով, որ «SARS-CoV-2-ը ոչ մի տեղ չի գնա»: «Մենք կարծում ենք, որ այս վիրուսի հետ հավերժ կապրենք»,- ասել է նա JPMorgan Healthcare Conference-ի խորհրդաժողովում կայացած պանելային քննարկման ժամանակ:
Նրա խոսքով՝ առողջապահության ոլորտի պատասխանատուները ստիպված կլինեն մշտապես հետեւել վիրուսի նոր տարբերակներին, որպեսզի գիտնականները կարողանան պատվաստանյութեր արտադրել դրանց դեմ պայքարելու համար:
Օհայոյի հետազոտողները չորեքշաբթի օրը հայտարարել են, որ հայտնաբերել են կորոնավիրուսի երկու նոր տարբերակ, եւ որ մեկը արագ գերակշռող շտամ է դարձել Կոլումբուսում, դեկտեմբերի վերջին եւ հունվարի սկզբին երեք շաբաթվա ընթացքում: Կորոնավիրուսի նոր մուտացիաներ են հայտնաբերվել նաեւ Մեծ Բրիտանիայում, Ճապոնիայում եւ Հարավային Աֆրիկայում։
