«System of a down» խմբի մենակատար Սերժ Թանկյանն անդրադարձել է Արցախա-ադրբեջանական հակամարտ զորքերի շփման գծում տիրող իրավիճակին։ Ռոք երաժիշտը նոր գրառում է կատարել, որով դիմել է Իսրայելի ժողովրդին։ Երաժիշտը գրել է․
«Իսրայելի ժողովուրդ։
Խնդրում եմ, ասեք ձեր կառավարությանը, որպեսզի դադարեցնի Էրդողան-Ալիեւ ցեղասպան դուետին անօդաչու թռչող սարքերի մատակարարումը։ Այդ անօդաչուները ռմբակոծում են Լեռնային Ղարաբաղի Հանրապետության քաղաքացիական քաղաքները։ Դուք տեսել եք լուսանկարները։ Դուք գիտեք, թե ովքեր են մեր թշնամիները»։
