Միջազգային քրեական արդարադատության հանձնաժողովի նախագահ, Բարսելոնայի փաստաբանական դպրոցի մարդու իրավունքների հանձնաժողովի ղեկավար Էրիկա Տոռեգրոսան անդրադարձել է Արցախի և Հայաստանի նկատմամբ ադրբեջանական ագրեսիային՝ հայտարարելով, որ միջազգային հանրությունը պետք է թույլ չտա 105 տարի առաջ տեղի ունեցած Ցեղասպանության կրկնությունը:
«Ադրբեջանի հարձակումը Հայաստանի դեմ ապակայունացնում է ողջ տարածաշրջանը և մարդու իրավունքների կոպիտ ոտնահարում է: Սա 105 տարի առաջ տեղի ունեցած Հայոց ցեղասպանության ուրվականի վերադարձն է: Միջազգային հանրությունը չի կարող թույլ տալ, որ այն կրկնվի»,-իր թվիթերյան էջում գրել է գործիչը:
