ՀՀ պաշտպանության նախարարությունը ԶԼՄ-ներին եւ սոցցանցերի օգտատերերին համոզիչ կերպով կոչ է անում զերծ մնալ չստուգված, ոչ պաշտոնական տեղեկատվություն տարածելուց։ Այս մասին հայտարարություն է տաեւրածել Հայաստանի ՊՆ-ն:
Հայտարարությունում նաեւ ասվում է. «Անհրաժեշտ է հստակ գիտակցել, որ հակառակորդը, բացի բուն մարտական գործողություններից, իրականացնում է նաեւ տեղեկատվական լայնամասշտաբ հարձակում հնարավոր բոլոր խողովակներով, ինչը ենթադրում է հսկայական ծավալով ապատեղեկատվության տարածում՝ մասնավորապես նաեւ սոցիալական հարթակներում։
Հորդորում ենք դրսեւորել զգոնություն եւ կամա թե ակամա մասնակիցը չդառնալ հակառակորդի ձեռնարկած հերթական սադրանքին»: