ԱՄՆ-ում ձերբակալվել է մի կին, որը կասկածվում է նախագահ Դոնալդ Թրամփին մահացու թույնով ծանրոց ուղարկելու համար:
Կնոջը բերման են ենթարկել Բաֆալո քաղաքում ՝ Կանադայի սահմանին: Կնոջ անունը դեռ չի հրապարակվում:
Ինչպես հաղորդում է NEW YORK TIMES-ը՝ կինը կանադայի քաղաքացի է և նրան բերման են ենթարկել սահմանային անցակետից, երբ նա լքելիս է եղել ԱՄՆ տարածքը: Նրա մոտ հայտնաբերվել է նաև հրազեն:
Պարբերականի տվյալներով՝ 2019-ի մարտին նույն կինը, ԱՄՆ տարածքում ապօրինի գտնվելու համար, ձերբակալվել է Տեխաս նահանգում և արտաքսվել Կանադա: Այդ ժամանակ նրա մոտ հայտնաբերվել էր կեղծ վարորդական իրավունքի վկայական, ժամկետանց վիզա և հրազեն:
ԱՄՆ նախագահի անունով ուղարկված կասկածելի ծանրոցը հայտնաբերվել էր սեպտեմբերի 19-ին:
Ամերիկյան լրատվամիջոցները հայտնել էին, որ ծանրոցը ԱՄՆ է հասել Կանադայից:
«Ռիցին» կոչվող թունավոր նյութի դեմ հակաթույն գոյություն չունի: Եթե մարդը շնչում կամ կուլ է տալիս այն, ապա մահը վրա է հասնում 36-72 ժամվա ընթացքում: