ՀՀ Ազգային ժողովի ընտրական բարեփոխումների աշխատանքային խումբը օգոստոսի 11-ից վերսկսել է ՀՀ ընտրական Օրենսգրքի շուրջ հանրային քննարկումների՝ համավարակի պատճառով ընդհատված շարքը՝ այս փուլում դրանք կազմակերպվում են առցանց: Tert.am-ի հետ զրուցում ԱԺ «Բարգավաճ Հայաստան» խմբակցության քարտուղար Արման Աբովյանն ասաց, որ քննարկմանը մասնակցել են ԲՀԿ փորձագետները:
«Խիստ նախնական քննարկումներ են, շարունակական են լինելու: Այն փոփոխությունները, որոնք քննարկվում են, այս կամ այն կերպ մամուլում արծածվում են»,-ասաց նա:
Արման Աբովյանն ասաց, որ գործընթացի, փոփոխությունների շուրջ ունեն իրենց դիրքորոշումը, որը կներկայցնեն հետագայում:
«Առայժմ հավաքագրում ենք անում ազգաբնակչության, մասնագետների կարծիքը , պետք է հասկաանք՝ աշխատանքային գործընթացը դեպի ուր է շարժվում: Առայժմ այն, ինչ կատարվում է, շատ նախնական աշխատանքային փուլում է»,-ասաց նա:
ԱԺ «Լուսավոր Հայաստան» խմբակցությունից քննարկմանը մասնակցած պատգամավոր Կարեն Սիմոնյանը Tert.am-ի հետ զրույցում մանրամասնեց, որ քննարկվել են նախընտրական քարոզարշավի ֆինանսավորմանը , վարչական ռեսուրսի չարաշահման արգելքին վերաբերող հարցերը:
Նյութն ամբողջությամբ՝ սկզբնաղբյուր կայքում։