Ֆուլտոն շրջանում, որի վարչական կենտրոնն Ատլանտա քաղաքն է, արտակարգ դրության ռեժիմ է մտցվել: Այս մասին մայիսի 30-ին հայտարարել է նահանգապետ Ջորջիա Բրայան Քեմպը:
«Քաղաքապետ Քեյշի Բոտոմսի խնդրանքով և իրավապահ ու արտակարգ ծառայությունների ներկայացուցիչների հետ խորհրդակցություններից հետո ես Ֆուլտոնի շրջանում հայտարարեցի արտակարգ դրության ռեժիմ»,- գրել է նա Twitter-ում:
Նա ընդգծել է, որ տեղի իրավապահ մարմիններին օգնելու համար քաղաքը կհսկեն ազգային գվարդիայի զինվորները, որպեսզի պաշտպանեն մարդկանց ու նրանց սեփականությունը:
Աֆրոամերիկացի Ջորջ Ֆլոյդի մահվան պատճառով ոստիկանության դեմ զանգվածային բողոքի ցույցեր են տեղի ունենում ավելի քան 10 ամերիկյան քաղաքներում:
Մինեապոլիսի 46-ամյա բնակիչը մահացել էր մայիսի 25-ին այն բանից հետ, երբ երեք ոստիկան նրան գցել են ասֆալտին ու պահել ավելի քան 8 րոպե՝ ուշադրություն չդարձնելով այն բանի վրա, որ տղամարդը շնչահեղձ է լինում: