Ֆուտբոլի միջազգային ֆեդերացիան (ՖԻՖԱ) կազմակերպում է բարեգործական հանդիպում կորոնավիրուսային համաճարակի դեմ պայքարի համար միջոցներ հավաքելու նպատակով, հայտնում է ՖԻՖԱ-ի պաշտոնական կայքը:
Խաղի միջոցով հավաքված միջոցները կուղղվեն արագացնելու կորոնավիրուսի բուժման համար տեխնոլոգիաների զարգացումը և արտադրությունը, որոնք ներառում են թերապիա, պատվաստանյութեր և հիվանդության ախտորոշում:
«Մենք պարտավոր ենք ցուցաբերել համերաշխություն և շարունակել անել հնարավորը համաճարակի դեմ պայքարի համար: Մենք մասնակցել ենք տարբեր ակցիաների միջոցով համաշխարհային հանրության տեղեկացվածության մակարդակի բարձրացմանը, ֆինանսական ներդրումներ ենք ունեցել այս խնդրի լուծման գործում, և այժմ ՖԻՖԱ-ն պարտավորվում է կազմակերպել այս դրամահավաքի միջոցառումը», - ասաց ՖԻՖԱ-ի նախագահ Ջաննի Ինֆանտինոն:
Հանդիպման ամսաթվի, ժամանակի և տեղի մասին լրացուցիչ հայտարարություն կտարածվի: