Մեծ Բրիտանիայի թագուհի Էլիզաբեթ 2-րդի սպասավորներից մեկի մոտ կորոնավիրուս է հայտնաբերվել, ինչը թագավորական ընտանիքի համար նոր մտավախությունների տեղիք է տվել, գրում է Mirror-ը։
Հաղորդվում է, որ սպասավորը, որն այժմ ինքնամեկուսացել է, կատարել է մի շարք պարտականություններ՝ գրեթե ամեն օր շփվելով Նորին Մեծության հետ։
Նա թագուհուն սնունդ և խմիչքներ է մատուցել, նամակներ փոխանցել, ինչպես նաև զբոսանքի տարել միապետի երկու շներին։
Նրա ախտորոշումը նոր մտավախություններ է առաջացրել 93-ամյա թագուհու առողջական վիճակի վերաբերյալ, գրում է աղբյուրը։
«Բոլորը վախենում են ոչ միայն իրենց, այլև թագուհու և դուքսի համար», - հայտնել են թագավորական պալատի մյուս աշխատակիցները։
Ըստ հաղորդման՝ կորոնավիրուսով վարակված աշխատակիցը մի քանի տարի է՝ աշխատում է թագավորական ընտանիքում։
Էլիզաբեթ 2-րդի սպասավորի մոտ կորոնավիրուս է հայտնաբերվել, 93-ամյա միապետի առողջական վիճակի վերաբերյալ մտավախություններ կան. Mirror
loading...