Չինաստանից Ղազախստան տարհանված ՀՀ քաղաքացին կարանտինից հետո դուրս գրվեց հիվանդանոցից


Չինաստանից Ղազախստան տարհանված ՀՀ քաղաքացին կարանտինից հետո դուրս գրվեց հիվանդանոցից
Փետրվար 17 15:34 2020

Չինաստանից Ղազախստանի մայրաքաղաք Նուրսուլթան տարհանված ՀՀ քաղաքացիները կարանտինից հետո դուրս են գրվել հիվանդանոցից։ Այս մասին հաղորդում է Tengrinews-ը:

 

Կորոնավիրուսի պատճառով կարանտինի մեջ գտնվող Ուհան քաղաքից տարհանումից հետո նրանք հիվանդանոցում են մնացել 2 շաբաթ: 89 մարդուց ոչ ոքի մոտ վարակը չի հայտնաբերվել:

«Բոլորի վիճակը բավարար է, ջերմությունը նորմալ է, կորոնավիրուսը ոչ ոքի մոտ չի հաստատվել: Ոմանց մոտ եղել է ՍՇՎ, նրանք ապաքինվել են: Բոլորն առողջ են»,- ասել է Նուրսուլթանի բժշկական կենտրոնի տնօրեն Մուխթար Տուլեուտաեւը:

Բացի Ղազախստանի և Հայաստանի քաղաքացիներից, Նուրսուլթանում կարանտինի մեջ են գտնվել նաև Բելառուսի 5 քաղաքացիներ:



loading...