Մեծ Բրիտանիայի թագավորական ընտանիքի ամենասիրված անդամներից մեկը՝ Քեմբրիջի դքսուհի Քեյթ Միդլթոնը, բավական անկեղծ հարցազրույց է տվել իր անձնական կյանքի վերաբերյալ՝ քննարկելով, մասնավորապես, մայրության թեման:
Ինչպես նշում է Daily Mail–ը, երեք երեխաների մայրը խոստովանել է, որ անընդհատ մեղքի զգացում է ունենում զավակների առաջ, քանի որ ստիպված է «կիսվել» մայրության և աշխատանքի միջև: 38-ամյա դքսուհու խոսքով՝ գրեթե յուրաքանչյուր մայր ժամանակ առ ժամանակ նմանատիպ մեղքի զգացում ունենում է:
«Եվ եթե որևէ մեկն ասի, որ դա այդպես չէ, ուրեմն նա հաստատ ստում է»,-ասել է դքսուհին:
Միդլթոնին դուր չի գալիս, որ թագավորական պարտականությունների իրագործումը երբեմն ստիպում է մոռանալ մայրական պարտականությունների մասին:
«Երջանիկ մայրիկ, երջանիկ փոքրիկ» հաղորդման շրջանակում Միդլթոնը նաև պատմել է, որ հղիությունները ծանր է տարել, և որ դրանց ընթացքը բարդ է եղել ոչ միայն իր, այլև իրեն շրջապատող հարազատների համար:
Հիշեցնենք, որ արքայազն Ուիլյամն ու Քեյթ Միդլթոնն ունեն երեք երեխա:
