Եվրոպայի հնգակի չեմպիոն Արթուր Ալեքսանյանը ժամանեց Երևան (լուսանկարներ)


Եվրոպայի հնգակի չեմպիոն Արթուր Ալեքսանյանը ժամանեց Երևան (լուսանկարներ)
Փետրվար 16 00:46 2020

Քիչ առաջ Երևանի «Զվարթնոց» օդանավակայանի ժամանման սրահում հավաքվել էին բազմաթիվ մարզասերներ ու լրագրողներ։ Նրանք դիմավորում էին հունահռոմեական ոճի ըմբշամարտի Եվրոպայի հնգակի չեմպիոն Արթուր Ալեքսանյանին։

Լուսանկարները՝ Armsport.am-ի:

Ինչպես արդեն հայտնել էինք՝ Հռոմում հունահռոմեական ոճի ըմբշամարտի Եվրոպայի առաջնությանը Հայաստանը նվաճեց 4 մեդալ՝ 2 ոսկե և 2 բրոնզե: Գևորգ Ղարիբյանն ու Արթուր Ալեքսանյանը դարձան Եվրոպայի չեմպիոններ, իսկ Կարեն Ասլանյանն ու Կարապետ Չալյանը կանգնեցին պատվո հարթակի երկրորդ աստիճանին:

Ռիո-2016-ի օլիմպիական չեմպիոն, աշխարհի եռակի ու Եվրոպայի քառակի չեմպիոն, հունահռոմեական ոճի ըմբիշ Արթուր Ալեքսանյանը Հռոմում պայքարեց ԵԱ-ի 5-րդ չեմպիոնության համար:

97 կգ քաշայինների կարգում Ալեքսանյանը գոտեմարտեց Իտալիայի ներկայացուցիչ Նիկոլոզ Կախելաշվիլիի հետ:

Հիշեցնենք` Ալեքսանյանը պայքարը սկսել էր 1/8 եզրափակչից, որտեղ 7:1 հաշվով առավելության էր հասել թուրք Ջենք Իլդեմի նկատմամբ: Քառորդ եզրափակչում Ալեքսանյանը 2 րոպեում 9-0 հաշվով հաղթել էր բուլղարացի Կիրիլ Միլենով Միլովին, որը 2018 թ-ի ԱԱ փոխչեմպիոնն է, իսկ արդեն կիսաեզրափակչում 8:1 հաշվով ջախջախեց ֆին Կուոսմանենին:



loading...