Հայաստանի գիտության և տեխնոլոգիաների հիմնադրամի (FAST) կողմից հոկտեմբեր 16-18-ը կազմակերպված «Վերափոխելով արհեստական բանականությունը» գլոբալ ինովացիոն ֆորումի (GIF19) շրջանակներում Սիան Սունը ֆորումի բացման արարողությունից հաղորդում է ներկայացրել չինական առաջատար Phoenix TV-ի համար` ներկայացնելով Հայաստանի տեխնոլոգիական առաջընթացն ու հավակնոտ պլանները՝ աշխարհի մակարդակով։
Սիան Սունը GIF19 շրջանակներում կազմակերպված լրագրողական այցի մասնակիցներից էր։ Այցի նպատակն էր միջազգային լրատվամիջոցների ուշադրությունը հրավիրել Հայաստանի տեխնոլոգիական ոլորտի վրա։
«Արմենպրես»-ի հաղորդմամբ՝ այցը համատեղ կազմակերպել էին FAST-ը և «Հայաստանի եվրոպացի բարեկամները» (EuFoA), որոնք առաջին անգամ էին համագործակցում նման նախաձեռնության շրջանակներում` նպատակ ունենալով կազմակերպչական և նյութատեխնիկական աջակցություն տրամադրել լրագրողներին։
«Հայաստանի եվրոպացի բարեկամները» (EuFoA) Բրյուսելում հիմնադրված հասարակական կազմակերպություն է, որի նպատակն է կամրջել Հայաստանը և Եվրոպական Միությունը։ ՀԵԲ-ը չի ազդում կամ ներգործում լրագրողների ընտրած թեմաների, նյութերի բովանդակության, նորությունների խորագրերի և լրատվամիջոցների վրա, որոնք ներկայացնում կամ որոնց թղթակցում են լրագրողները։ Կազմակերպությունը նպատակ ունի ապահովելու տարածաշրջանում իրավիճակի օբյեկտիվ և անաչառ լուսաբանում։
