Երեւանում 48-ամյա կինը մեղադրվում է եղբոր կնոջը ծեծելու մեջ։
Դեպքը տեղի է ունեցել Ավան վարչական շրջանում գործող թիվ 170 դպրոցի մոտակայքում։ Նախաքննության վարկածով՝ կինը հարսին մեղադրել է դստեր հասցեին արատավորող տեղեկություններ տարածելու մեջ, վիճաբանել, ապա ծեծել։ Այն է՝ քաշել է մազերից և ձեռքով հարվածել 34-ամյա հարսի մարմնի տարբեր մասերին՝ վերջինիս պատճառելով ֆիզիկական ցավ։
«Փաստինֆո»-ի հաղորդմամբ՝ կնոջը մեղադրանք է առաջադրվել ՀՀ քրեական օրենսգրքի 118-րդ հոդվածով։ Քրեական գործը քննվում է դատավոր Արմեն Կարապետյանի նախագահությամբ։
