Այրումի գազալցակայանում ավտոմեքենայի 42 լիտր տարողությամբ բալոնը նախօրեին 48 լիտր հեղուկ գազ են լցրել: Այս մասին Armday.am-ին ահազանգել և տեսանյութ է տրամադրել տվյալ մեքենայի վարորդը:
«Այրումի գազալցակայանում վարորդներին ակնհայտ խաբում են: Իմ մեքենայի բալոնը 42 լիտր տարողություն ունի,սակայն աշխատակիցները նշեցին, թե 48 լիտր են լցրել, ինքս էլ հաշվիչ ապարատի վրա տեսա ֆիքսված 48 թիվը: Երբ նշեցի, որ չի կարող նման բան լինել, քանի որ իմ մեքենայի բալոնն ավելի քիչ տարողություն ունի,աշխատակիցները կանչեցին տնօրենին, ով աշխատակիցներին հանձնարարեց վճարն ստանալ 42լ.-ի դիմաց»,-ասաց նա:
Ստացվում է՝ եթե վարորդներն ուշադիր չլինեն, գազալցակայաններում նրանց անխղճորեն կխաբեն, և վարորդին ցույց տալով բարձր թիվ և ստանալով համապատասխան գումար՝ իրականում, կտրամադրեն տվյալ դեպքում ՝6 լիտր քիչ գազ: