«Հերացի» թիվ 1 համալսարանական հիվանդանոցում, հաղորդում բժշկի և հիվանդի միջև ձեռնամարտ չի եղել: Այս մասին ArmDay.am-ի հետ զրույցում ասաց Մ. Հերացու անվան պետական բժշկական համալսարանի աշխատակազմի ղեկավար Շուշան Դանիելյանը՝անդրադառնալով լուրերին,թե պրոֆեսոր Միրիջանյանի հետ կապված միջադեպ է գրանցվել:
«Քաղաքացին կոպիտ ձևով մտել է բժշկի սենյակ, պահանջել, որ առաջինն իրենց հիվանդը պիտի վիրահատական միջամտության ենթարկվի, բաժանմունքի վարիչ պրոֆեսոր Միրիջանյանը բացատրել է նրան, որ գոյություն ունի որոշակի ընթացակարգ: Հիվանդը բարեհաջող վիրահատվել է, հիմա նա լավ ինքնազգացողություն ունի, իսկ հիվանդի հարազատները հետո մոտեցել, ներողություն են խնդրել պրոֆեսոր Միրիջանյանից իրենց վարքագծի համար»,- ասաց Շուշան Դանիելյանը:
Հարցին, էթիկայի հանձնաժողովը անդրադարձե՞լ է թեմային, Միրիջանյանը նկատողություն ստացե՞լ է, աշխատակազմի ղեկավարը պատասխանեց.«Վերջին անգամ Էթիկայի հանձնաժողովի նիտ եղել է հունվար ամսին: Տարածված լուրերը չեն համապատասխանում իրականությանը»: