Բաղադրիչներ
ալյուր - 1 կգ
շաքարավազ - 200 գր
մեղր - 250 գր
կարագ - 200 գր
ձու - 3 հատ+1սպիտակուց
սոդա - 1/2 թ/գդ
դարչին - 1/4 թ/գդ
կոճապղպեղ (имбирь) - 1/4 թ/գդ
մեխակ - 1/4 թ/գդ
բահար - 1/4 թ/գդ
հիլ(кардамон) - 1/4 թ/գդ
շաքարավազ - 180 գր
հյութ կիտրոնի - 2 կաթիլ
Պատրաստման եղանակ
Ապագա տնակը նկարել թղթի վրա և դետալները կտրատել.
- դռան և պատուհանի փորվածքով դիմապատ 1 հատ
- դուռ 1 հատ (այդպիսի մի դետալ էլ տան հետնամասի համար կտրել բայց առանց փորվածքների)
- դետալ կողքի պատերի համար պատուհանի փորվածքով 2 հատ
- խլափեղկ - 4 հատ
- պատուհանագոգ 2 հատ
- ծխնելույզ 1 - 2 հատ
- ծխնելույզ 2 - 1 հատ
ծխնելույզ 3 - 1 հատ
տանիք - 2 հատ
տնակի հիմք` 20x20 չափի քառակուսի - 1 հատ
Բոլոր համեմունքները խառնում ենք իրար։
Ալյուրը խառնում ենք սոդայի հետ։
Մնացած բաղադրիչները լցնում ենք առանձին ամանի մեջ և խառնում։
Ալյուրն ու սոդան ավելացնում ենք մյուս բաղադրիչներին և լավ հունցում։
Խմորը պետք է լինի ձիգ և առաձգական։ Խմորը գնդում ենք, դնում պոլիէթիլենային տոպրակի մեջ կամ փաթաթում սննդային թաղանթով և առնվազն 3 ժամով սառնարան դնում. ցանկալի է ամբողջ գիշեր։
Խմորը սառնարանից հանում ենք, 1 ժամ թողնում, այնուհետև 1 անգամ ևս հունցում այն, բաժանում 3 մասի և 0,5 սմ հաստությամբ բացում յուղաթղթի վրա։ Բացելուց հետո այն զգուշությամբ տեղափոխում ենք տապակի վրա։ Տնակի դետալները դնում ենք բացած շերտի վրա։
Դետալները կտրում ենք, իսկ ավելորդությունները հանում։ Կարող եք տարբեր նախշեր անել վրան։
Թխում ենք 170-180 աստիճանում մոտ 10-12 րոպե, մինչև թեթև ոսկեգույն երանգ ստացվի։ Մի քանի ժամ հանգիստ ենք թողնում շերտերը։
Դետալներն իրար միացնելու հատվածները կարելի է 45 աստիճանի տակ քերիչով «սղոցել»։
Նկարազարդում ենք տնակը ջնարակով։
Ջնարակը պատրաստելու համար ձեռքի հարիչով հարում ենք ձվի սպիտակուցը, շաքարի փոշին և կիտրոնի հյութը 10 րոպե, ապա պատրաստի ջնարակը ծածկում ենք պոլիէթիլենային տոպրակով ու տեղափոխում սառնարան 30 րոպեով:
Գլազուրով զարդարելու համար օգտագործում ենք հրուշակեղենի հատուկ պարկիկ կամ հերմետիկ փակվող տոպրակ, որի ծայրին մի փոքր կտրվածք է արված։
Այդ դետալները տնակի մեջ ենք հավաքում։ Սկզբում միացնում ենք պատերը` միացման հատվածները գլազուրով պատելով։
Մինչև պատերը սոսնձվեն, կարող ենք բաժակները հենել պատերի մոտ։
Երբ պատերը կամրանան, կարող ենք տանիքը կպցնել։ Նախքան կպչելը այն նույնպես պետք է ձեռքերով կամ բաժակներով պահենք, որ չընկնի։ Երբ տնակի բոլոր մասերը հավաքենք, կարող ենք վերջին շտրիխներն անել. սառցակտորներ, ձյուն և այլն։
Մեր տնակը պատրաստ է:
Ի դեպ, խմորի համար անհրաժեշտ է ծորացող մեղր։ Եթե մեղրը պինդ է, անհրաժեշտ է այն դնել տաք տեղ, որ ջրիկանա։
Եթե ցանկանում եք որպես Նոր տարվա խմորեղեն այս «Տնակ»-ը պատրաստել, կարող եք նախապես թխել, որովհետև Ձեր պատրաստած տնակը դեռ 1 ամիս պիտանի կլինի
