Ես չէի կարող 0 ձայն ստանալ, դա ակնհայտ, կասակածի տեղիք է տալիս: Այս մասին ArmDay.am-ի հետ զրույցում ասաց ԲՀԿ-ական, Աժ պատգամավորի թեկնածու Տիգրան Ուրիխանյանը:
«Իմ ներկայացուցիչը տեսնելով այդ արդյունքը՝ զանգահարել է ԿՀԸ և բաձրաձանել այս խնդրի մասին: Նպատակը աղմուկ բարձրացնելը չի եղել: Երբ ԿՀԸ-ից հայտնցին, որ անճշտությունները շտկելու համար 7-օրյա ժամկետ կա, մենք ստիպված եղանք հրապարակել մեր ունեցածը, քանի որ դրանց չշտկվելու դեպքում, այլևս բողոքարկել չէինք կարողանա:Չեմ ուզում թույլ տալ, որ նման դեպքերը ստվերեն այս ընտրությունների որակը, բայց փաստերն ինքնին խոսում են իրենց փոխարեն»,-ասաց նա:
Այն հարցին, թե անճշտությունները չշտկելու դեպքում ինչ են պատրաստվում անել, պագամավորի թեկնածուն պատասխանեց.
«Չգիտեմ՝ ԿՀԸ-ի՞,թե՞ տվյալ ընտրատեղամասի սխալն է, ամեն դեպքում, հետևողական ենք լինելու, որ անճշտություններ չլինեն: Եթե անճշտությունները չշտկվեն, մենք այս ապացույցը կներկայացնենք ՀՀ յուրաքանչյուր քաղաքացուն, բոլոր հայերին»,-ասաց Ուրիխանյանը:
Տիգրան Ուրիխանյանը հույս ունի, որ այս երևույթը համատարած չէ, սակայն կշարունակի պարզել, թե այլ տեղամասերում ինչպիսի արդյունք է գրանցվել:
Հիշեցնենք, որ Տիգրան Ուրիխանյանը հայտարարել էր, որ իր ձայները գողացել են:
