Վարչապետի հրաժարականից հետո ֆորս մարժորային իրավիճակներ չեն լինի: Այ ս մասին ասաց «Ծառուկյան» խմբակցության պատգամավոր Նաիրա Զոհրաբյանը:
«Շատ հանգիստ երկու շաբաթը կանցնի: Վստահ կարող եմ ասել, որ որեւէ քաղաքական ուժ վարչապետի թեկնածու չի առաջադրի, իսկ սա ենթադրում է, որ մենք հրաժարականից երկու շաբաթ անց կգնանք արտահերթ ընտրությունների: Մենք հիմա քննարկելու ենք Ընտրական օրենսգիրքը: Ես մեծ վերապահում ունեմ այն դրույթով, որ ԱԺ պարտադիր պետք է անցնեն նվազագույնը չորս քաղաքական ուժեր: Այս դեպքում մենք կունենանք խնդիր հանրային վստահության հետ: Օրինակ, եթե երեք ուժ հաղթահարում է 5 տոկոսի շեմը, իսկ 4-րդը ինչ-որ 0,0 ինչ-որ մի թիվ, որքանո՞վ է արդար, որ նրանք եւս անցեն խորհրդարան»,- ասաց նա:
Զոհրաբյանի խոսքով՝ Վենետիկի հանձնաժողովն առաջարկում է ընտրությունների գնալ հին օրենսգրքով:
«Ստեղծված իրավիճակում Վենետիկի հանձնաժողովի հանձնարարականներն անտեսվելու են, բայց սա է ժողովրդի կամքը: Եթե հիմա ասեմ, որ Հայաստանին կկախեն, նման բան չի լինի, բայց մենք ստորագրել ենք, որ պետք է կատարվեն իրենց հանձնարարականները»,-ասաց Զոհրաբյանը :
Անդրադառնալով ԲՀԿ-ում առաջացած իրավիճակին՝ Նաիրա Զոհրաբյանը նշել է, որ չնայած առաջացած խնդիրներին ՝Գագիկ Ծառուկյանի հետ մտել է քաղաքականություն, նրա հետ էլ դուրս կգա: