«Հայաստանի ձեռներեցների կոնֆեդերացիայի» նախագահ Տիգրան Հովհաննիսյանը կրկին ուշադրության կարիք է զգում : Այս մարդու մասին մտաբերելիս ակամայից սկսում ես կասկածների մեջ ընկնել նրա և՛ զբաղեցրած պաշտոնների, և՛ անձի հարցում: Բանն այն է, որ Տիգրան Հովհաննիսյանը, ով մի քանի կազմակերպության ղեկավար և անդամ է ներկայանում, էլ չասենք՝ բարեգործ, իրարամերժ կարծիքներ արտահայտելու վարպետ է:
Երեկ հրավիրված մամուլի ասուլիսի ընթացքում նա խոսել է գործարար, բարեգործ Գագիկ Ծառուկյանի մասին և լրագրողներին ներկայացրել հորինված պատմություն, ըստ որի, ինքը բիզնես է սկսել Աբովյան քաղաքում, իսկ Գագիկ Ծառուկյանը խանգարել է իրեն իրականացնել այդ բիզնեսը:
Ավելի վաղ, նա հայտարարել էր, որ Առինջ մոլի հետ կապված խնդիրներ կան: Նա պատմել էր նաև, որ ժամանակին Աբովյան քաղաքում ցանկացել է բիզնես հիմնել, բայց Գագիկ Ծառուկյանը իբր միջամտել է տարբեր սպառնալիքներով՝ նաև բռնությամբ:
Այս մարդու հիշողությունը կարճ է. նա մոռանում է, որ իր ամեն անգամվա մեղադրանքներից հետո հանդես է գալիս հերքման ելույթով ՝նույնքան վստահ ու սահուն տեքստով՝ որքան մեղադրում էր:
Սույն անձը լավ հասկանալով թեմայի եկամտաբերությունը՝ հաճախակի ասուլիսներ է հրավիրում, սակայն լրատվամիջոցներն արդեն հասցրել են ֆիքսել, որ Տիգրան Հովհաննիսյանը սիրում է խոսել թեմաներից, որոնք առավել շատ լրատվամիջոցների ուշադրության կենտրոնում կհայտնվեն և պատահական չէ, որ ասուլիսներին մի քանի լրագրող է ընդամենը լինում, այն էլ հարց էլ չեն ուղղում, քանի որ արդեն գիտեն նրա ստերի աստիճանը: Նման մարդիկ փորձում են սեփական անձի հանդեպ ուշադրություն հրավիրել հասարակության մեջ հեղինակություն ունեցող անձանց անունը շահարկելով:
Կատարելագործելով իր հմտությունները, նա իր թեմաները կապում է զոհվածի ընտանիքների զինվորների հետ, իբրև թե լուրջ բարեգործություններ է անում նրանց համար,որոնք, բոլորս գտենք, թե ինչ զգացողություններ են առաջացնում հասարակության շրջանում. Նա իր խոսքը կառուցելիս պատասխանատվությունը թողնում է պաշտոնաթող կամ մահացած մարդկանց վրա, ովքեր այլևս լ իրավասու չեն խոսե և իր ստերը բացահայտվելու քիչ հավանականություն ունեն:
Տիգրան Հովհաննիսյանի՝ նման գործելաոճի հնարավոր պատճառներից մեկն այն է, որ նա ամեն կերպ ձգտում է արժանանալ Գագիկ Ծառուկյանի ուշադրությանը, բայց դրա համար ընտրել է ամենաէժան տարբերակը։
Տիգրան Հովհաննիսյանին խորհուրդ ենք տալիս բուժզննում անցնել և համապատասխան խնդրի դիմաց արդյունավետ կուրս ընդունել, հակառակ դեպքում՝ նա իր զրպարտությունների համար ավելի թանկ կվճարի հենց օրենքով սահմանված կարգով:
http://www.parliament.am/drafts.php?sel=showdraft&DraftID=4920&Reading=0
Թերևս ավելորդ է խոսել Գագիկ Ծառուկյանի գործունեության մասին, քանի որ ի տարբերություն շատերի՝ նա ուղղակի չի խոսում, այլ կատարում է իր տված խոստումները, դեռ մի բան էլ՝ գերազանցում դրանք: Բարեգործություններից զատ, հարկավոր է հիշել, որ բիզնեսները, որոնք նա ունի, որի մասին կասկածանքներով է խոսում Տիգրան Հովհաննիսյանը, ծառայում են ժողովրդին. աշխատատեղերով մարդկանց ապահովելն ամենակարևոր հարցն է մեր օրերում.
Այնպես որ դատարկ խոսելու ու զրպարտելու փոխարեն ժողովրդի մատից փուշ հանելու ժամանակն է: