Ովքե՞ր զորահավաքային զորակոչի ենթակա չեն


Ովքե՞ր զորահավաքային զորակոչի ենթակա չեն
Հոկտեմբեր 15 20:59 2020

«Պաշտպանության մասին» օրենքի 29-րդ հոդվածով սահմանվում է քաղաքացիների զորահավաքային զորակոչը։

1. Զորահավաքի ժամանակ պահեստազորում հաշվառված քաղաքացիների զորահավաքային զորակոչն իրականացվում է զինված ուժերի և այլ զորքերի զորահավաքային պլաններով նախատեսված ժամկետներում՝ զինվորական կոմիսարիատների կողմից:

2. Զորահավաքային զորակոչի ենթակա չէ այն քաղաքացին, որը`

1) ամրագրվել է Հայաստանի Հանրապետության կառավարության սահմանած կարգով.

2) առողջական վիճակի պատճառով ճանաչվել է զինվորական ծառայության համար ոչ պիտանի.

3) ունի չորս և ավելի երեխա.

4) Հայաստանի Հանրապետության Ազգային ժողովի պատգամավոր է:

Հավելենք, որ այժմ Հայաստանում հայտարարված է ռազմական դրություն, հայտարարվել է պահեստազորի սպայական, ենթասպայական և շարքային կազմի մինչև 55 տարեկան պահեստազորում հաշվառված քաղաքացիների զորահավաքային զորակոչ:



loading...