Պարետը նոր որոշում է կայացրել․ սահմանվել են նոր կանոններ՝ մարզասրահներում և լողավազաններում անվտանգության պահպանման համար


Պարետը նոր որոշում է կայացրել․ սահմանվել են նոր կանոններ՝ մարզասրահներում և լողավազաններում անվտանգության պահպանման համար
Օգոստոս 3 21:20 2020

Պարետի մայիսի 3-ի N 63 որոշման մեջ կատարվել են փոփոխություններ։ Այս մասին տեղեկացնում է ՀՀ Կառավարությունը։

Փոփոխությամբ՝ 230-Ն որոշմամբ սահմանվել է, որ՝

Յուրաքանչյուր մարզասարքի կողքին, տեսանելի վայրում անհրաժեշտ է ապահովել ալկոհոլային հիմքով ախտահանիչներով տարաների առկայություն:

Լողավազանի շուրջ նստարանները տեղադրվում են միմյանցից առնվազն մեկուկես մետր հեռավորության վրա։

Ամեն այցելուից հետո լոգախցիկը, հանդերձարանի պահարանը, նստարաններն ախտահանվում են 70-90% սպիրտով կամ քլորի հիմքով ախտահանիչ միջոցով՝ համաձայն ՀՀ ԱՆ 2020 թ․ մարտի 16-ի N 977-Ա հրամանի պահանջների՝ գրանցում կատարելով գրանցամատյանում՝ համաձայն սույն որոշման հավելված N 19-ի Ձև 2-ի։

Համաձայն ՀՀ ԱՆ 2010 թ․ հուլիսի 16-ի թիվ 13-Ն հրամանի 24-րդ կետի պահանջի՝ օգտագործվող ախտահանիչ միջոցները պետք է ունենան առողջապահության նախարարի հրամանով հաստատված մեթոդական հրահանգ։

Մարզասրահում անհրաժեշտ է խուսափել մարդկային կուտակումներից: Այդ նպատակով սրահի յուրաքանչյուր 8 քառ. մետրում թույլատրվում է առավելագույնը 1 հոգու առկայություն: Մարզասարքերը տեղադրվում են միմյանցից առնվազն 2 մետր հեռավորության վրա: