Ջրափրկարարները վերսկսել են Սեւանա լճում կորած քաղաքացու ստորջրյա որոնողական աշխատանքները


Ջրափրկարարները վերսկսել են Սեւանա լճում կորած քաղաքացու ստորջրյա որոնողական աշխատանքները
Հուլիս 8 11:52 2020

Հուլիսի 8-ին, ժամը 10։10-ին ԱԻՆ ՓԾ Գեղարքունիքի մարզային փրկարարական վարչության հատուկ ջրափրկարարական ջոկատի մարտական հաշվարկը կորած քաղաքացու որոնողական աշխատանքները վերսկսելու նպատակով մեկնել է Սեւան քաղաքի «Արեւիկ» հանգստի գոտուն հարակից տարածք։ Այս մասին հայտնում են ԱԻՆ-ից:

Հիշեցնենք, որ հունիսի 26-ին, ժամը 13:04-ին Ճգնաժամային կառավարման ազգային կենտրոն տեղեկություն է ստացվել, որ ժամը 06։00-ի սահմաններում Սեւան քաղաքի «Արեւիկ» հանգստի գոտուն հարակից տարածքում քաղաքացին (Կոլյա Պ․, ծնված 1971 թ․) նավակով մտել է լիճ ձկնորսության եւ չի վերադարձել։

ԱԻՆ ՓԾ Գեղարքունիքի մարզային փրկարարական վարչության հատուկ ջրափրկարարական ջոկատի ջրափրկարարների կողմից հունիսի 26-ից հուլիսի 7-ն իրականացված ամենօրյա ստորջրյա որոնողական աշխատանքներն ավարտվել են անարդյունք. քաղաքացին չի հայտնաբերվել։



loading...