Տարածքային կառավարման և ենթակառուցվածքների նախարար Սուրեն Պապիկյանը շնորհավորական ուղերձ է հղել:
«Սիրելի հայրենակիցներ,
Շնորհավորում եմ Սահմանադրության և պետական խորհդանիշների օրվա կապակցությամբ:
Սահմանադրության անհրաժեշտության ու արժեքայնության գիտակցումը պետք է լինի յուրաքանչյուրիս գործունեության հիմքում: Առանց սահմանադրության և դրա իրացվելիության չկա պետություն:
Գիտակցում, որը հայ իրավական միտքը արարեց աշխարհում առաջին սահմանադրության ընդունումից ավելի վաղ` 1783թ. «Ոռոգայթ Փառաց» աշխատությամբ ամրագրելով օրենքի գերակայության և ժողովրդի իշխանության սկզբունքը ապագա հայկական պետականության հիմքում:
Ուստի օրինապաշտ և սահմանադրական երկիր ունենալուն, ինչու չէ` հեղափոխությամբ արտոնված ժողովրդավարության առաջամարտիկ լինելուն այլընտրանք մենք չունենք:
Մայր օրենքը մեր պետության հենասյունն է:
Եվ այդ հենասյունն ամրացնելու և իսկապես նրա վրա հենվելու համար մենք այսօր պարտավորություն ենք ստանձնել բարեփոխելու այն:
Այդ փոփոխությունները միտված են
անփոփոխելի 2 սկզբունքի.
Հայաստանի Հանրապետությունն ինքնիշխան, ժողովրդավարական, սոցիալական, իրավական պետություն է:
Հայաստանի Հանրապետությունում իշխանությունը պատկանում է ժողովրդին:
Շնորհավորում եմ բոլորիս»:
