Հայոց ցեղասպանությունը վերապրածներից եզակիներն են ողջ մնացել,ընդամենը՝ երեքը: Նրանցից Եփրակսի Գևորգյանը պարտաճանաչ ամեն տարի ապրիլի 24-ին ցեղասպանության զոհերի հիշատակին իր հարգանքի տուրքն է մատուցել Ծիծեռնակաբերդի հուշահամալիրում: Այս տարի Եփրակի տատիկը չի կարողանա հուշահամալիր այցելել: Ծանր հիշողություններով, բայց միաժամանակ կենսուրախ տատիկի հետ նախորդ մեր հանդիպմանը խոստացանք՝ էլի վերադառնալ: Այս անգամ այցելությունը համընկավ ծննդյան օրվա հետ:
Ապրիլի 23-ին Եփրակսի Գևորգյանը դարձավ 115 տարեկան: Աձնագրով 106 տարեկան է, բայց հիշում է, որ 1915թ.-ի Հայոց ցեղասպանությունից փրկվելիս դպրոցական է եղել, ութ-ինը տարեկան:
Եփրակսի տատիկին ծնդյան առթիվ մեր նկարահանող խմբի հետ նվերերներ էր ուղարկել ամերիկյան Amway ապրանքանիշը: էկոլոգիապես մաքուր տնտեսական մաքրող միջոցների շնորհիվ տատիկին խնամող նրա 90-ամյա դստեր հոգսը կթեթևանա:
Armday.am-ը ծննդյան առթիվ անակնկալ արեց տատիկին, որից հետո Եփրակսի Գևորգյանը պատմեց գաղթի ճանապարհից հիշողությունում պահպանված մանրամասները:
Եփրաքսի Գևորգյանը ծնվել է Կարսի նահանգի Լալոյի Մավրակ գյուղում։ Փրկվելու համար նրա ընտանիքն անցել է Արաքս գետը։ Նա Հայոց ցեղասպանությունից փրկվել է մոր և երկու եղբայրների հետ միասին։ Հորը սպանել են թուրքերը: Մայրը մահացել է, երբ նա ինը տարեկան էր, և աղջկան տարել են Գյումրիի մանկատուն։
«Ինձ հետ էր նաև Հովհաննես Շիրազը: Անընդհատ մոր մասին էր գրում»,-ասաց Եփրակսի Գևորգյանը:
Ամեն առավոտ աչքերը բացելիս աղոթում է Աստծուն, շնորհակալություն հայտնում,օրհնություն խնդրում բոլորի համար:
Մանրամասները՝ տեսանյութում: