«Փաստ». Կարեւորը՝ վստահելի լինեն. իշխանությունն սկսել է պետական կառույցների «թավշեցման» երկրորդ խոշոր փուլը

«Փաստ». Կարեւորը՝ վստահելի լինեն. իշխանությունն սկսել է պետական կառույցների «թավշեցման» երկրորդ խոշոր փուլը
Փետրվար 15 11:50 2020

«Փաստ» օրաթերթը գրում է. «Իշխանավորներն սկսել են պետական կառույցների «թավշեցման», այսինքն՝ պետական համակարգում սեփական թիմի անդամներին ընդգրկելու գործընթացի երկրորդ խոշոր փուլը։ Հատկանշականն այն է, որ «առաջնային» նշանակումների ալիքից հետո իշխող թիմը մոտ մեկ տարի յուրատեսակ «թայմ աութ» էր վերցրել եւ, ըստ մեր տեղեկությունների, ներկուսակցական «քասթինգ» էր անցկացնում՝ փորձելով լուծել երկու հարց. 

նախ՝ աստիճանաբար ազատվելով «նախկիններից»՝ տեղավորել նաեւ «երկրորդ-երրորդ էշելոնի» թիմակիցներին, եւ երկրորդ՝ զտել նաեւ սեփական շարքերը եւ պետական ծառայության մեջ ներառել նրանց, որոնք չեն քննարկում «շեֆության» որոշումները, առավել վստահելի են ու անվերապահ կատարող։ 

«Փաստ» թերթը տարբեր գերատեսչություններից տեղեկություններ է ստանում, որ վերջին մեկ ամսվա ընթացքում տարբեր ՔՊ-ականներ պաշտոններ են ստանում պետական «երկրորդական» գերատեսչություններում՝ հիմնականում տեղակալների մակարդակով։ 

Այս միտումը գործում է նաեւ մարզային սեգմենտում։ Մեր զրուցակիցներից մեկը նշեց, թե պետական կառույցներում այս թեմայի հետ կապված սկսել են հիշել լեւոնտերպետրոսյանական ժամանակները, երբ իշխանությունները բացահայտ ասում էին՝ «պոլի փետ լինի, բայց ՀՀՇ-ից լինի»: Նույնանման քաղաքականություն էին վարում նաեւ ՀՀԿ-ականները»:

Առավել մանրամասն՝ թերթի այսօրվա համարում

loading...