Ֆրանսիական LVMH (Moet Hennessy – Louis Vuitton) ընկերության ղեկավար Բեռնար Առնոն աշխարհի ամենահարուստ մարդկանց վարկանիշային ցուցակում առաջ է անցել Amazon-ի հիմնադիր Ջեֆ Բեզոսից՝ հայտնում է Forbes- ը:
Ինչպես բացատրվում է հրապարակման մեջ, Առնոյի հաջողությունը պայմանավորված է նրա ընկերությունում բաժնետոմսերի գնի 0,7 տոկոսով բարձրացումով, ինչը նրան բերել է 1,9 միլիարդ դոլար:
Դրան հակառակ՝ Amazon-ի բաժնետոմսերը նվազել են 0,7 տոկոսով: Արդյունքում, Բեզոսը կորցրել է 760 միլիոն դոլար:
Այժմ Առնոյի ունեցվածքը 117 միլիարդ դոլար է, Բեզոսինը՝ 115,6 միլիարդ: