«Եվրատեսիլ-2017» մրցույթի հաղթող, պորտուգալացի Սալվադոր Սոբրալը տեղափոխվել է Լիսաբոնի հիվանդանոցներից մեկը։ Դա տեղի է ունեցել հերթական համերգից հետո։
Ինչպես հայտնի է դարձել՝ երգիչը մանկուց տառապում է սրտի բնածին արատից։ Ներկայում կատարողը գտնվում է մայրաքաղաքի Սանտա Կրուզ հիվանդանոցում, որտեղ սպասում է սրտի փոխպատվաստման։ Նրան հոսպիտալացրել էին ծանր վիճակում, սակայն ներկայում նրա վիճակը գնահատվում է կայուն, քանի որ որոշ օրգանների գործառույթներ կատարում է հատուկ սարքավորումը։
Երգչի բժիշկները դեռևս մեկ ամիս նախազգուշացրել էին այն մասին, որ նա կարող է հիվանդանոցում հայտնվել համերգների ժամանակ մեծ ծանրաբեռնվածության պատճառով և խորհուրդ էին տվել նրան դադարեցնել երաժշտական կարիերան։
